كيفية ضبط جودة الإشارة وطرق تقويتها how to set the signal quality
كيفية ضبط جودة الإشارة وطرق تقويتها how to set the signal quality
كيفية ضبط جودة الإشارة وطرق تقويتها how to set the signal quality
مشكلة ضعف إشارة الترددات فى قمر نايل سات وعدم إستقبال ترددات معينة فى دول معينة
المعلومات دى عايزين نوصلها لأكبر عدد بعد إذن حضراتكوا بتفاعل أو تعليق أو مشاركة
قمر #نايل_سات موجود فى مدار 7 درجات غرب ومن حوالى كام سنة تم إطلاق قمرين تبع شركة فرنسية فى نفس الإتجاه تقريبا والقمرين بيتم إستقبالهم مع نايل سات على نفس الطبق ( يوتلسات 7,3 غرب - يوتلسات 8 غرب )
عشان تستقبل ترددات التلات أقمار ( حوالى 115 تردد + حوالى 1400 قناة )
لازم تظبط الطبق على ترددين
11603 , H , 27500
10758 , V , 27500
لو ظبطت الطبق بالترددين دول وحصل مشكلة فى الإشارة هتكون بسبب حاجة من دول :
1. سلك LNB مقطوع مثلا أو طول السلك أكبر من 20 متر ( كل ما يقل طول السلك أفضل )
2. جنبك برج موبايل أو ضغط عالى ( مشكلة أون سبورت - دى ام سى سبورتس )
ودى حلها إنك تجرب تغير معامل الترميز فى الترددين بتوع القناتين ل27485 بدل 27500
وممكن تركب الطبق بالمقلوب عشان تخلص من المشكلة ودى لازم فنى متخصص اللى يعملها
3. ترددات خاصة ب المشرق العربى أو المغرب العربى :
الأقمار الصناعية عامة والقمرين ( يوتلسات 7,3 و 8 غرب ) تحديدا مقسمين تردداتهم لخمس حزم بث مختلفة
حزمة المينا اللى بتشمل كل الدول العربية ما عدا جزر القمر
حزمة المشرق العربى اللى بتشمل ( شرق ليبيا - مصر - السودان - جيبوتى - الصومال - دول الخليج العربى - بلاد الشام )
حزمة المغرب العربى اللى بتشمل ( غرب ليبيا - تونس - الجزائر - المغرب - موريتانيا )
حزمة خاصة بأوربا
حزمة خاصة بدول إفريقيا ( بنظام سى باند )
حزمة خاصة بأمريكا
بمعنى : إن مثلا لو إنت فى مصر وبتدور على تردد قناة حنبعل مثلا هتلاقيه موجود على حزمة المغرب العربى اللى مش بتشمل مصر فا مش هتقدر تستقبل التردد
إتفضلوا أى إستفسار
تعليقات
إرسال تعليق